【為咗慳錢，你可以去到幾盡？】
外賣揀自取、返工帶飯盒、食飯唔跟凍飲……都仲未夠? 一於學牛肉丸咁自己種埋嚟食，咁先係慳家嘅最極致！
其實我哋食開嘅蔬果好多都可以翻種嘅，就好似蔥咁，只要切蔥嘅時候留番蔥嘅根部，再用個樽裝啲水養住佢，唔使幾日就會生番新蔥葉出嚟㗎，夠你食多幾餐，咁就可以慳番啲食材費喇！
除咗牛肉丸呢個比較激進嘅方法～我哋仲可以將切剩嘅菜頭菜尾整作成沙律或者炸物之類，唔浪費食物又可以多味餸，大家下次煮飯時記得試下喇。
#滾續達人 #慳錢必學 #廚房絕技 #只要有心 #人人都可以做農夫